Non rudis indocta fecit me falce colonus:

Dispensatoris nobile cernis opus.

Nam Caeretani cultor ditissimus agri

Hos Hilarus colles et iuga laeta tenet.

Adspice, quam certo videar non ligneus ore,

Nec devota focis inguinis arma geram:

Sed mihi perpetua nunquam moritura cupresso

Phidiaci rigeat mentala digna manu.

Vicini, moneo, sanctum celebrate Priapum,

Et bis septenis parcite iugeribus.